馬鞍山廢棄鐵礦場

參考難度：★★★★★☆

所需時間：約三小時

回帶post

雖然有其它野想寫，但一路都想寫番呢個旅程…

話說馬鞍山鐵礦場已經廢棄多年，但一路都可以係網上見到其它探險人士的足跡。

為左呢個旅程都做足準備工功，亦係網上查閱好相關資料及準備好地圖，準備萬全先出發，因為行呢個絕對係五星難度行程，普通人絕不適而參與。

網上所得的礦場位置圖

到達約定日，便正式出發了。

係馬鞍山恆安邨隨著馬路上山，於馬路邊的入口試過石欄走數步，便會到達礦場的入口。

已經忙記了係邊到入，好像是係240m的入口吧！

黎一過跳躍翻身，突入礦場…

沿住洞口往下探，根據地圖，係30度的下坡路。

雖然算不上好斜，但地上滿滿的都是碎石，位足點不易找，所以都有點難道。

幸好有名有心人於呢個長長的斜道佈置好游繩，令大家可以借點力上落，不過建議都係切勿過份倚賴。

沿路落斜道，好快就到144M，總之係平路

洞入面主要通道的通風都比想象中好…

入到去，如網上所述，有深深的洞穴，也有一池池的水潭

當然亦都有一 d 礦場遣址…我諗係 d 運礦車同埋路軌掛

重有一 d 直井，經過時要小心一點，如果唔係有落冇上

 沿住地圖探索，會搵到前人的足跡，廢棄工具，重有一份新的07年的報紙

去埋地圖上的爆破室呀，休息室呀gum，行程都差唔多要結束

無地圖的地方都係不行為妙

正當想脫出之際，執番舊鐵礦石做紀念先！[番去證實左真係鐵，因為磁石吸到]

  沿路回程，好快就可以出洞啦！

*是次旅程為筆者個人體驗，所提供之資訊及路線僅供參考，請勿依賴，謝謝！

鶴咀石河：黑漆漆的可怕體驗

參考難度：★★★★★★★

所需時間：二小時

回帶post

某一日，「喂！你有冇興趣一齊去石洞呀？」

就係咁，我跟左個朋友去左個高登行山團。

一大早就約左高登仔係筲箕灣‎準備上山，搭9號巴士由筲箕灣去石澳，中途係大風坳迴旋處落車。

下車後沿住馬路直行，只有一條路，好快就到達我們的目的地。

石洞入口係正馬路隔離，有好多個洞…

係唔知邊個先係正確的洞下，隨便擇左一個近馬路的入口內探。

 一開頭景觀尚算可以…

點知入到去非常極其恐怖！

石洞之間的空隙與網上的攻略不盡相同，而且石壁上有污水。

某些地方更要好似特攻咁口咬電筒，脫下背包先可以勉強爬進深入，非常危險！

而且好多位只可以容納一個人，以及難以停留…

簡單d講，黑！濕！窄！

ps. 此行程非常危險，極不建議前往。

由於環境真係太惡劣，又搵唔到地標陽魚石，真係一路深入，一路係心入面問候xx！

苦苦堅持下，終於去到一個比較開陽的石室。

呢個時候，去最快速度衝去陽光處，回頭只有同行三個巴打的電筒光。

呢個就係出口啦，好感動，好彩有命翻出去，唔係講笑，因為呢個石洞好多位都有落冇上！

黎到呢d時候大家都冇曬心情，鬼咩，雖然見到好似重有得落。

都係安全為上，脫出石洞！

重見光明！短短兩小時的探驗，突破最恐怕體驗。

出洞後成身都係泥沙，已經完全冇興致再去其它地方探索。

係樹洞行上馬路，原本諗住唔知要幾耐。

點知一上就係！

難以想象洞穴內苦戰兩小時，個出口竟然就係入口下面，不到3分鐘路程！

唉！！！心灰意冷，是日旅程結束。

*是次旅程為筆者個人體驗，所提供之資訊及路線僅供參考，請勿依賴，謝謝！

夜環港島：貓頭鷹之輪

參考難度：★★★★★★（視乎駕駛技術及裝備）

所需時間：九小時

繼早前半環台灣回港後，就一路係新界踩黎踩去…但始終沒有機會環踩香港島…

終於…機會來了

大致上路徑如下圖，其實唔check 都唔知原來只有4x km，少過元朗荃灣來回好多。

不過好多上落位，所以都辛苦好多！

事不宜遲，馬上出發，約好 00:30 係上環等，原來諗住坐巴士出去，

不過竟然 miss 左尾班車，唉，唯有搭西鐵轉黎轉去咁出去！

 去到上環咁岩撞到 d 戰友，檢查下戰車之後便馬上出發！

出發時正是 1:04am！

第一次踩香港島的我，不得不提路面一大陷阱！

就係電車軌！

第一次行個車軑差點食左落個車軌到，好在出得翻黎，如果唔係真係會車毀人亡！

真係要小心應付！

沿住電車軌前進，一條平路好舒暢，好快就過左中環，金鐘，灣仔。

經過左唔知幾多過電車站，就去到港島東啦！

行到接近筲箕灣，就有加快車係後面『Beep』我地，大佬，條路咁闊，我地又係車，洗唔洗呀！

筲箕灣門口前停一停，食個面先，食飽準備上全程最為兇險的柴灣道！

聞說柴灣道唔單止斜，重會有飛車黨出沒，要額外留神呢！

老實說，騎著20" 小摺的我也有少許擔心呢！

一路踩上柴灣道，果然非常辛苦，但比起台灣壽卡個段都唔算話太over，堅持一段便上到項！

點知真正噩夢係大潭道！可能因為柴灣道用哂 d力，而且個面食到好飽，個肚好濟，

呢段陰 d陰 d的斜路真係踩唔落去，推左陣車去到項…

之後一大段落斜路，飛左陣就到大潭水塘，環境極靚，而且好多星星。

呢張相我自己好鐘意，哈哈。

係大潭係咁影相，玩下相機，都好舒服嫁！

停留左好耐，去到 04:10左右，就繼續我地的行程！去到深水灣，有成班人玩緊party 。

而且重經過埋海洋公園。

飛飛下公路好快就到香港仔。

再一路趕路去華貴，唔想太陽出左都未踩完。

點知係華富坐耐左，天黑變天光。

 天光之後一心趕路，就冇咩點影相，沿住域多利道，一路為海一路踩，

終於見番電車路，其間重尾隨間電車等佢幫我地開路…哈哈

終於完成，番番上環，大約 06:47。

最尾幫架車包膠，就上巴士結束是日旅程了。

*是次旅程為筆者個人體驗，所提供之資訊及路線僅供參考，請勿依賴，謝謝！