西貢灣仔日出迎新年

話說某人諗住去蚺蛇尖之巔到打邊爐迎接新一年…

個計劃好鬼有趣不過我地最終都係覺得未夠Level 挑戰住！

而且個日要番工，於是乎個計劃就變左西貢灣仔日出團

…哈哈

話說放工入到西貢都已經7點幾…唯有打的去海下！

去到重要行一條長長的小徑先到達灣仔南營地。

天都黑曬…要開電筒先睇到路…

＊＊＊

入到去都幾多人，左搵右搵先搵到個地方落腳起營 ，重聽到有d營友話係到住左十幾日！嘩，老兄，係到住咁正呀！

由於我地無咩煮食工具，所以買曬d野準備BBQ，好彩都叫重有個爐淨…唔係食風都似

不過唔知係咪買左d低溫炭，d 野燒勁耐先有得食！

呢個就係我地個營，淘寶買番黎百幾蚊人仔算係咁！3個人訓都算幾寬敞。

夜晚BBQ完就去左釣魚，不過就釣唔到魚…個原因係我地上唔到絲…枉我地重突登去鴨記買左2 set漁具。釣唔到就算數！開個鑵頭湯煮下宵夜，重放埋d 用唔著的魚餌, 死蝦, 落d湯去食埋佢。

煎多塊香噴噴的豬排，加少少啤酒…(謎之聲：喂！你識唔識嫁…)

第二朝一起身就已經白左天，shit，我地重要睇日出嫁bor

雖然天都光曬，不過都係沿著山路行，試下去南風角睇下日出！

好在天無絕人之路，睇唔到真日出，都睇到個假日出！因為咁岩有座島仔遮左個日出位！

日出都睇埋就再冇咩留戀，煮條魚食個早餐就走啦！

*是次旅程為筆者個人體驗，所提供之資訊及路線僅供參考，請勿依賴，謝謝！

屏南石澗：與水同樂

參考難度：★★★★★☆

所需時間：四至五小時

七月尾的整個星期也是絲絲細雨。

繼上次大城石澗之行後，已經有一段時間沒有遊石潤了。

反正『行腳』之一的小明快要離開香港，於是便於他離開前多來一個石澗遊。


早上10時於粉嶺火車站集合，未出發巳經傳黎噩耗，朋友A, B放飛機，幸好 Terence 黎到，吃畢早餐便正式出發！

入澗前先拍下地圖！以免走錯路！

沿住馬路一路走，很快就會到達入澗口。

天色好像很好！誰知…

下圖這個位置便是入澗口了，一上小徑便已感到泥土非常鬆軟。

今日帶了新買的Nex 5R試影流水效果，於是立刻在入澗位試影一張！

一開始跟著前面3個全裝備的小隊前進，誰不知走錯山路，道路情況非常惡劣，開山劈石，小明的拖鞋更爛了！在無鞋及只有一雙襪的情況下，小明堅持繼續前進，實在勇氣可嘉！

因為走錯路，用了很多時間才到達第一個check point - 水閘

中途見到一個幾壯觀的瀑布，但不肯定是否草裙瀑！

難得行澗，當然要同水玩遊戲！

不過就發生小插曲，Terence 的鞋子的鞋底因為爛爛地，所以比水流沖走左！

可憐的鞋底呀…

好快就到網上所講的直線斜坡，左右試試落腳位，終於上到頂。

走著走著已經不知不覺經過左灰橋進入第二段，還看到壺穴！不過壺穴比雨水浸滿了！

感覺上第二段還不錯走！有著廣闊的流水石澗，風景壯觀！

於尾段遇到民安隊一大羣人，掃興，因為實在太吵了。

故此，也錯過了一嚐流水滑梯！

最後於龍尾田行返入郊遊踁，是日旅程完結！

*是次旅程為筆者個人體驗，所提供之資訊及路線僅供參考，請勿依賴，謝謝！